Një sherr mes disa të rinjve mesditën e sotme në Kamëz është përshkallëzuar në përdorimin e thikës duke sjellë një të plagosur.
Një 17-vjeçar me iniciale K.C. është vënë në prangat e policisë pasi gjatë sherrit ka plagosur me thikë Sh. A., 26 vjeç. Ky i fundit ndodhet në spital nën kujdesin e mjekëve.
Njoftimi i policisë
Goditi me mjet prerës një shtetas, vihet në pranga një 17-vjeçar.
Specialistët për Hetimin e Krimeve në Komisariatin e Policisë Nr. 5 bënë arrestimin në flagrancë të shtetasit K. C., 17 vjeç, banues në Kamzë, për veprën penale “Plagosja e rëndë me dashje”.
Ky shtetas, pas një konflikti për motive të dobëta, në një kalçeto në Kamzë, ka goditur me mjet prerës (thikë) shtetasin Sh. A., 26 vjeç, i cili ndodhet në spital, nën kujdesin e mjekëve, jashtë rrezikut për jetën.
Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme procedurale.
