Kanë nisur incidentet e para në votimet monopartiake të ditës së sotme.
Raportohet se incidenti i parë ka ndodhur në qarkun e Shkodrës, ku një qendër votimi është djegur.
Qendra e votimit ndodhet në Prekal.
Kjo qendër i përket njësisë administrative Postribë, bashkia Shkodër.
Raportohet se ka qendra votimi të pahapura në bashkinë më të madhe në rajonin verior të vendit.
Po kështu në bashkinë e Vaut të Dejës, në qendrën e votimit në fshatin Stajkë nuk është shpërndarë baza materiale.
Ende nuk dihet nëse do të vijojë apo jo procesi votimit në këtë zonë.