Janë zbardhur detaje të reja nga ngjarja e ndodhur pak minuta më parë në fshatin Dorëz të Tiranës, ku gjatë një perplasje me armë një shtetas ka mbetur i plagosur.
Deri më tani mësohet se autori i plagosjes së rëndë është Flamur Karaj, me detyrë punonjës i Forcave të Ndërhyrjes së Shpejtë.
Ndërsa i plagosur ka mbetur shtetasi Enver Karaj që ka lidhje gjaku me autorin e plagosjes.
Nuk ka ende informacione mbi dinamikën e ngjarjes, edhe pse dyshohet të jetë një konflikt pronësie.