Përgjimet/ Ja si përmendet ministrja e re e Shëndetsisë

52
Sigal

Bisedat e përgjuara nga prokurorët e SPAK mbi pazaret për një vend pune në administratë. Në dosjen e zv/ministres së Brendëshme Rovena Voda bashkë me peshqeshin për telefonin dhe arkën me peshk, ka hyrë dhe një personazh tjetër që përmendet në  përgjime dhe që quhet Albana. Pyetjet e testit dhe “kafja me bisht”.

Edi Rama e emëroi ministre të Shëndetësisë, drejtoreshën e Departamentit të Administratës Publike, Albana Koçiu. Por kjo e fundit nuk është e panjohur për qytetarët. Albana Koçiu është denoncuar disa herë në lidhje me konkurset në administratë, nga opozita dhe qytetarët.

Por emri i saj ka dalë edhe një dosje të hetuar nga SPAK, gjatë së cilës u arrestua zv/ministrja e Brendshme Rovena Voda, (aktualisht ndodhet e lirë) në lidhje me pazare për një vend pune në administratë.

Në anën tjetër, prokurorët e SPAK pranojnë në dosje se Rovena Voda nuk kishte kompetenca direkte për të ndikuar në konkursin për një vend pune në administratë. Pikërisht këtu hyn në lojë një personazh tjetër, që përmendet në bisedat e përgjuara dhe që quhet ‘Albana’.

Roli i saj sipas të përgjuarave është të informojë se ku janë vendet bosh në administratë dhe më pas të japë përgjigjet e pyetjeve në provim. Dyshimet janë se bëhet fjalë për Albana Koçiun, Drejtoreshën e Departamentit të Administratës Publike.

‘Albana’ është emri që përmendet disa herë në bisedat telefonike, si personi potencial që do të merrte ryshfet bashkë me Rovena Vodën.

Nga bisedat e Florida Beut me nënën e saj, kuptohet se ‘Albana’ do të shpërndajë përgjigjet e testit të provimit Rovena Vodës dhe kjo e fundit do t’ia kalojë aplikantes, në këmbim të ryshfetit. Nënë e bijë thonë se edhe ‘Albana’ do të marrë para.

Biseda e përgjuar nga prokurorët e SPAK

Nërënxa: Ty të pëlqen aty?

Florida: Po, po mami se futesh në ministri është gjë e madhe të futesh në ministri dhe me DAP, me DAP është ajo që të regjistron, futesh me provim ti bën provimin, pyetjet t’i se do t’i jap kafen unë, ajo Albana që mori ajo në telefon edhe po u fute aty pastaj se atë tha edhe ajo Rovena mjafton të fusi këmbët se pastaj pas një viti e rrisim në post po vetëm të futet se unë po të kisha mundësi e fusja te kabineti im tha!

Nërënxa: Po pse?

Florida: Po është ky ministri se janë kështu këto mami hahen me njëri-tjetrin e kupton? Unë do marr Albanën se Albana është shefja di ku ka vende pune në ministri ajo i vë se mori në telefon atë e la për dje në ora dhjetë dhe tani prandaj nuk du me ju nda unë.

Florida: Tani duhet nai lek me i dhënë asaj Albanës.

Nërënxa: Epo kjo si t’ia bëjmë?

Florida: Se di po më rrin mendja aty!

Nërënxa: Mos ju ndaj Emirjanit o gocë më duhen…

Florida: Po duhen pagu ato.

Në një bisedë tjetër, mes dy të përgjuarave del sërish emri i ‘Albanës’, e cila përflitet si bashkëpunëtore e Rovena Vodës.

Majlinda: Mos do ikshim të takoshim këtë Albanën?

Florida: Ose takoje tha, ose hajdeni në Tiranë tha, flasim!

Majlinda: Ashtu do e bëjmë, nga darka nga ora pesë i vemi te zyra neve edhe i themi shko po qe se ajo futet në ministri në një vend pune të mirë nuk e lejmë me kaq, mirë.

Florida: Po