Pas ditës së hënë me reshje të shumta shiu dhe shtrëngata, dita e sotme duket se do të jetë me qetë dhe me më pak reshje.
Sipas Instituti i Gjeoshkencave, Energjisë, Ujit dhe Mjedisit, ditën e sotme reshjet e shiut do të jenë më të shumta në pjesën veriore të Shqipërisë.
Në Shkodër mund të ketë edhe shtrëngata lokale shiu.
Ndërkaq do të rriten temperaturat.
Më poshtë keni parashikimin e motit për ditën e sotme:
Reshjet
Ditën e sotme priten reshje të dobëta në qarqet Shkodër, Kukës, Dibër, Lezhë dhe Durrës.
Në qarkun Shkodër ato priten të jenë lokalisht mesatare dhe të shoqëruara me shtrëngata.
Intensiteti i tyre do të vijë duke u dobësuar gjatë ditës së sotme.
Temperaturat
Sot temperaturat minimale dhe maksimale të ajrit pritet të arrijnë:
në bregdet: 20 / 28 °C
në vendet e ulëta: 19 / 31 °C
në vendet malore: 13 / 28 °C.
Era
Ditën e sotme era do të vazhdojë të fryjë e lehtë, por deri mesatare gjatë pasditeve, sidomos në bregdet.