Pa hyrë ligji në fuqi, urdhërohen 4 ministra për projektvendime lidhur me listën e zonave të mbrojtura ku do ndërtohet

15

Deri tani, urdhri është për të kthyer në troje ndërtimi, 2000 hektarë pyje, toka, bregdet, breg-lumor e breg-liqenor e lëndina në zonat e mbrojtura, të cilët janë parqe kombëtare, parqe natyrore, monumente natyrore, zona me interes e kujdes ndërkombëtar, peizazhe të mbrojtura dhe rezervate të biosferës. Zonave nga  do t’u ndryshohet statusi nga pyll, tokë, brigje detare, lumore e liqenore, në troje për zhvillime ndërtimore.

Sigal

Një javë pasi deputetët e PS, votuan në parlament ligjin që do betonizojë zonat e mbrojtura, Edi Rama, oligarkët dhe trafikantët ndërtues që ka rreth vetes e klientë të huaj me kompani offshore, kanë nisur operacionin për të shqyer e grabitur pjesët që duan.Informacioni i siguruar nga “Pamfleti”, thotë se kryeministri Edi Rama, ka urdhëruar 4 ministrat: Ervin Mete të Financave; Bledi Gonxhja të Ekonomi-Kulturë-Inovacionit; Anila Denaj të Bujqësisë dhe Mirela Kumbaro të Mjedis-Turizmit, të bëjnë gati një projekt-vendim të përbashkët, për të kthyer në troje ndërtimi sipërfaqe të para-caktuara në zonat e mbrojtura.

Deri tani, urdhri i kryeministrit, është për të kthyer në troje ndërtimi, 2000 hektarë pyje, toka, bregdet, breg-lumor e breg-liqenor e lëndina në zonat e mbrojtura, të cilët janë parqe kombëtare, parqe natyrore, monumente natyrore, zona me interes e kujdes  ndërkombëtar, peizazhe të mbrojtura dhe rezervate të biosferës.

Katër ministrave u është dhënë lista me zonat e sipërfaqet brenda tyre, të cilave do t;u ndryshohet statusi nga pyll, tokë, brigje detare, lumore e liqenore, në troje për zhvillime ndërtimore.

Ja zonat dhe sipërfaqet e para të mbrojtura, që do kthehen në zona ndërtimore:

  1. Te Syri i Kaltër-Delvinë, me sipërfaqe 180 hektarë, do kthehen në ndërtimi 100 hektarë.
  2. Në parkun e Llogarasë, me sipërfaqe 1010 hektarë, do kthehen në ndërtimi 120 hektarë.
  3. Në parkun e Thethit me sipërfaqe 2630 hektarë, do kthehen në zonë ndërtimi 120 hektarë.
  4. Në parkun Qafë Shtamë, me sipërfaqe 2000 hektarë, do kthen në zonë ndërtimi 80 hektarë.
  5. Në parkun e Prespës, me sipërfaqe 27 mijë hektarë, do kthehen në zonë ndërtimi 100 hektarë.
  6. Në parkun Divjakë-Karavasta, me sip. 22 mijë hektarë, do kthehen zonë ndërtimi 220 hektarë.
  7. Në parkun e Dajtit, me sipërfaqe 29 mijë e 216 hektarë, do kthehen zonë ndërtimi 70 hektarë.
  8. Në parkun e Lurës, me sipërfaqe 1280 hektarë, do kthehen në truall e zonë ndërtimi 38 hektarë.
  9. Në Karaburun-Sazan, me sip.12 mijë e 428 hektarë, do kthehen në zonë ndërtimi 330 hektarë.
  10. Në parkun Pishë-Poro, me sipërfaqe 1500 hektarë, do kthehen në zonë ndërtimi 200 hektarë.
  11. Në parkun Rrushkull, me sipërfaqe 650 hektarë, do kthehen në zonë ndërtimi 90 hektarë.
  12. Në parkun Liqeni Shkodrës, me sip. 26.5 hektarë, do kthehen në zonë ndërtimi 19 hektarë.
  13. Në parkun Kune-Vain-Tale, me sip. 4393 hektarë, do kthehen në zonë ndërtimi 80 hektarë.
  14. Në Patok-Fushekuqe-Ishem, me sip. 5000 hektarë, do kthehen në zonë ndërtimi 80 hektarë.
  15. Në parkun Liqeni Ulëz, me sipërfaqe 4200 hektarë, do kthehen në zonë ndërtimi 50 hektarë.
  16. Parku Liqeni Pogradec, me sip. 27 mijë e 323 hektarë, do kthehen në zonë ndërtimi 90 hektarë.
  17. Në Karavasta-Pisha Divjakë, me sip. 20 mijë hektarë, do kthehen në zonë ndërtimi 123 hektarë.
  18. Parku Çukë-Butrint-Kepi Stillo, me sip.13.5 mijë hektarë, do kthehen në zonë ndërtimi 90 ha.

Skema e copëzimit dhe grabitjes së zonave të mbrojtura, u deklarua nga ministrja e Turizëm-Mjedisit, Mirela Kumbaro, e cila tha se janë paracaktuar “pikat e vogla” të sipërfaqeve ku do bëhen ndërtime; deklaratë që fakton, se pazaret dhe listat e ndërtuesve përfitues, janë bërë para hartimit të ligjit sipas orekseve të secilit.