Ngjarja horror në kombinat, psikiatrja Rreli: Rast i rrallë, mund të kenë pasur devijacion të të menduarit

58

Mjekja psikiatre Arjana Rreli ka folur sot në lidhje me ngjarjen e rëndë që ka ndodhur në Kombinat, ku u vetëflijuan nënë e bijë. Psikiatrja deklaroi se ngjarje si ajo në Kombinat janë të rralla. Rreli u shpreh se e shikon ngjarjen si një devijacion të të menduarit, duke shtuar se edhe vetë ndodhia ishte e egër e paradoksale. “E shikoj si devijacion të të menduarit, që është amplifikuar shkallë pas shkalle, derisa ka arritur në gjendje shumë të rëndë. Është një rast i rrallë. Ishte mënyrë e egër dhe paradoksale. Sigurisht aty problematika ka qenë e hershme. Unë mendoj se c’rregullimet e para kanë qenë herët”, shtoi ajo.