Nis shpërblimi për detyrimet ndaj kokave të vettingut për ‘punën e palodhur’ të këtyre anëtarëve me katapultimin e tyre në krye të organeve të kësaj drejtësie të ‘reformuar’, që rezultoi zhgënjim për qytetarët që besuan në një drejtësi të re, pasi dosjet e tyre zvarriten me vite pa u gjykuar, falë shkarkimeve të gjytarëve sipas direktivave .Publikohen emrat e kandidatëve për në Gjykatën Kushtetuese. Bëhet fjalë për vakancën e lënë nga Elsa Toska, e cila dha dorëheqjen.Kjo e fundit dha dorëheqjen më 19 shtator të këtij viti, për arsye personale. Me dorëheqjen e saj, Gjykata Kushtetuese mbeti me 8 anëtarë, nga 9 që ishte më parë.
Vakanca e saj i përkiste Kuvendit dhe në garën që u hap, kanë aplikuar 10 emra, një pjesë e madhe e tyre mjaft të njohur.
Bie në sy se një pjesë janë anëtarët apo ish-anëtarë të KLGJ dhe KLP që duan të katapultohen në Kushtetuese.
Kemi Alfred Ballën, i cili u shkarkua pak kohë më parë nga drejtimi i KLP. Po ashtu kemi ish-kryetaren e KLGJ Naureda Llagami, e cila pak ditë më parë la postin drejtues për shkak se i mbaroi mandati. Po ashtu është Nurihan Seiti, anëtare e KLP. Mes emrave ka dhe anëtarë të Komisionit të Pavarur të Kualifikimit. Mes tyre është Roland Ilia.Emrat tani do t’i kalojnë KED-së, e cila në fund do t’i dërgoj 3 prej tyre Kuvendit dhe më pas do të bëhet votimi. Elsa Toska u votua nga Kuvendi si anëtare e Gjykatës Kushtetuese, në nëntor të vitit 2019. Me një CV të pasur dhe pas kalimit të vettingut, Elsa Toska u bë një nga 9 anëtarët e Gjykatës Kushtetuese. 48-vjeçarja mori “OK” nga Parlamenti, ku u votua me 105 vota pro dhe 2 kundër.Ndërkohë flitet se në listë është dhe Genta Bungo.
10 kandidatët
- Alfred Balla
- Eris Hysi
- Gentian Zyberi
- Irena Nino
- Klodian Rado
- Naureda Llagami
- Nertila Sadedini
- Nurihan Meta (Seiti)
- Roland Ilia
- Sinan Tafaj
