Policia e Fierit arrestoi sot 35-vjeçarin Antonio Bregu, pasi gjatë kontrollit në makinë iu gjetën 70 mijë euro.
Policia sqaron se Bregu u kap në lagjen “Kastriot” duke drejtuar mjetin tip “Range Rover” në gjëndje të dehur.
“Gjatë kontrollit të mjetit, këtij shtetasi ju gjetën dhe iu sekuestruan në cilësinë e provës materiale 70 000 Euro të cilat dyshohet se vijnë nga veprimtari kriminale”, tha policia në njoftimin zyrtar.
Mësohet se Antonio Bregu ka qënë i dënuar në Itali dhe Zvicër për trafikim të lëndëve narkotike dhe para 2 vjetësh ka dalë nga burgu në Zvicër.
Materialet i kaluan Prokurorisë për veprime të metejshme për veprat penale “Pastrimi i produkteve të veprës penale”, dhe “Drejtimi i automjetit në gjendje të dehur apo pa dëshmi”.
