Si pasojë e kushteve të këqija të motit ka pasur vonesa në nisjen e trageteve nga Durrësi drejt Barit, i parashikuar për të lundruar në orën 23:00 të mbrëmjes së kaluar, është nisur rreth orës 03:30 të mëngjesit të sotëm.
Ndërsa trageti i linjë së Ankonës, i parashikuar për t’u nisur në orën 19:00, është nisur rreth orës 23:30 të mbrëmjes së kaluar.
Nuk paraqiten probleme në krahun tjetër të Adriatikut, ku tragetet janë nisur në oraret e parashikuara dhe kanë mbërritur po ashtu mëngjesin e sotëm në Durrës në orar.
Forca e erës shkon deri në 17 m/s, ndërsa forca e detit 5-6 në gji dhe arrin deri në 7 në det të hapur.
Ndërkohë, nuk konfirmohet dalje nga shtrati e Lumit Erzen, në asnjë segment të tij.
Në qytet, ka pasur gjatë natës prezencë të ujit në disa lagje të qytetit, ndërsa aktualisht situata është e normalizuar.
Është pezulluar dalja në det e anijeve të peshkimit dhe atyre më tonazh të vogël, deri në normalizimin e situatës.
