Një banor ka mbetur i bllokuar këtë të enjte në rrjedhën e shtratit të lumit Kir në Bashkinë Shkodër.
Është dashur ndërhyrja e FNSH për të bërë të mundur nxjerrjen e tij nga shtrati i lumit. Mësohet se shkak i bllokimit ka qenë rritja e nivelit të ujit në lumin Kir, si shkak i reshjeve të shiut të rëna në ditët e fundit.
Fatmirësisht, qytetari i shpëtuar nuk ka pësuar lëndime. Ndërkohë, në operacion u përfshinë edhe punonjës të forcave zjarrfikëse të Shkodrës.
Kujtojmë se në orët e fundit, reshjet e shiut kanë shkaktuar dëme në disa akse rrugore të Qarkut të Shkodrës.