Finalizohen faza të tjera të operacioneve “Stolen Line” dhe “Relay”, kundër trafikimit të automjeteve.
Sipas policisë, janë proceduar penalisht 2 persona që trafikuan në Shqipëri, automjete me vlerë rreth 90 000 euro. Këto automjeteve nga hetimet kanë rezultuar të vjedhura në Zvicër dhe në Itali.
Procedimi penal nisi për shtetasit:
- M. S., 36 vjeç, pasi dyshohet se ka trafikuar në Shqipëri, 1 automjet tip “Benz”, me vlerë rreth 80 000 euro, i cili nga verifikimet rezultoi i vjedhur në Zvicër;
- E. M., 29 vjeç, i cili dyshohet se ka trafikuar në Shqipëri, 1 automjet tip “Opel”, me vlerë rreth 10 000 euro, i cili nga verifikimet rezultoi i vjedhur në Itali.
Sakaq materialet procedurale iu referuan Prokurorisë së Tiranës, për veprime të mëtejshme.
