Sipas ligjit, të gjitha ndërtesat do të duhet t’u nënshtrohen standardeve të administrimit për t’u respektuar nga bashkëpronësia që kanë të bëjnë me ruajtjen e higjienës, mbrojtjen kundër zjarrit, vendosjen dhe mirëmbajtjen e ashensorëve etj.
Miratohet ligji i ri “Për administrimin e bashkëpronësisë në ndërtesa”, që do të garantojë pronën private, bashkëpronësinë, si dhe sigurinë e ndërtesave në vetvete. Ligji gjithashtu mbart detyrime për bashkëpronarët dhe përcakton standardet e administrimit të ndërtesave, si dhe detyrimin për regjistrimin e aktit të bashkëpronësisë.
Sipas ligjit, të gjitha ndërtesat do të duhet t’u nënshtrohen standardeve të administrimit për t’u respektuar nga bashkëpronësia që kanë të bëjnë me ruajtjen e higjienës, mbrojtjen kundër zjarrit, vendosjen dhe mirëmbajtjen e ashensorëve etj.
Afatet për zbatimin e standardeve të administrimit realizohen nga asambleja e bashkëpronarëve: brenda 12 muajve nga hyrja në fuqi e këtij ligji për ndërtesat e ndodhura në qytetet me mbi 10.000 banorë; brenda 16 muajve nga hyrja në fuqi e këtij ligji për ndërtesat e ndodhura në komplekse; brenda 24 muajve nga hyrja në fuqi e këtij ligji për të gjithë ndërtesat e tjera.
Afati tranzitor për deklarimin e të dhënave të aktit të bashkëpronësisë është brenda 31 dhjetorit 2026 për ndërtesat e regjistruara dhe që janë pajisur me aktin e bashkëpronësisë ndërsa brenda 31 dhjetorit 2027 për ndërtesat e regjistruara në ASHK por që nuk janë pajisur me aktin e bashkëpronësisë. Po kështu edhe të gjitha ndërtesat që janë në proces regjistrimi ASHK në momentin e hyrjes në fuqi të këtij ligji, shoqëria ndërtuese (sipërmarrësi) kryen përditësimin dhe saktësimin e të dhënave me qëllim që akti i bashkëpronësisë të lëshohet sipas ligji.
Ligji i jep të drejta organeve drejtuese si asamblesë së bashkëpronarëve, kryesisë dhe administratorit ose shoqërisë së administrimit në ndërtesa të kryejnë funksione të posaçme në kuadër të administrimit të pasurisë së përbashkët.
Administratori/apo shoqëria e administrimit do të pajisen me NIPT por nuk ngarkohen me barrë fiskale. Në këtë mënyrë ai mund të lëshojë fatura të fiskalizuara të cilat nëse lind nevoja, përbëjnë titull ekzekutiv dhe objekt i shërbimit përmbarimor.
Por veprimtaria e administruesit apo shoqërisë së administrimit janë gjithashtu objekt kontrolli nga inspektorati bashkiak, të cilët mund t’i gjobisin në rast se nuk zbatohet aktet e inspektimti për ndreqjen e të metave brenda afatit të përcaktuar, masën 5 000 – 10 000 lekë dhe për çdo rast të përsëritur masa e gjobës shtohet me 20 për qind. Detyrimet vilen nga administrata vendore, përgjegjëse për mbledhjen e taksave dhe të tarifave vendore.
Po kështu, kryesia e Asamblesë së Bashkëpronarëve, midis të tjerash, miraton vendimet për ndreqje dëmi me kërkesë të bashkëpronarit të shkaktuar nga një bashkëpronar tjetër. Në rast. Nëse dëmtuesi nuk ndërmerr masat e nevojshme për të rivendosur në gjendjen e mëparshme bashkëpronarin e dëmtuar, brenda 10 ditëve nga njoftimi i vendimit, vendimi i kryesisë së bashkëpronarëve për ndreqjen e dëmit përbën titull ekzekutiv.
Kryesia ka të drejtë të autorizojë vënien në hipotekë ligjore të pasurisë së bashkëpronarit kur kjo është e domosdoshme për të siguruar pagesën e tarifës së administrimit dhe mirëmbajtjes së pashlyer për të paktën 6 muaj ose kur detyrimi i pronarit të njësisë arrin vlerën 0.5% të vlerës së njësisë mbi të cilën vendoset hipoteka.
Ajo ka të drejtë të përdorë/prekë fondin rezervë ose të autorizojë administratorin të kryejë veprime sipas kritereve të përdorimit të përcaktuara nga asambleja e bashkëpronarëve.
Ligji do të hyjë në fuqi pas botimit në Fletoren Zyrtare. Ky ligj shfuqizon ligjin e mëparshëm nr. 10 112, datë 9.4.2009 “Për administrimin e bashkëpronësisë në ndërtesat e banimit”.
