Një aksident me pasojë vdekje ka ndodhur gjatë natës në Tiranë.
Policia bën të ditur se një makinë ka dalë nga rruga dhe si pasojë ka ndërruar jetë drejtuesi i saj, 33-vjeçari i identifikuar me iniciale R.K.
“Rreth orës 01:30, në rrugën “Sulejman Delvina” shtetasi R. K., 33 vjeç ka humbur kontrollin e mjetit dhe ka dalë nga rruga, dhe për pasojë ka ndërruar jetë në vendngjarje.
Ndërkohë grupi hetimor po punon për sqarimin e rrethanave të ngjarjes,”-thotë policia.
Kujtojmë që për shkak të pandemisë në vendin pas orës 22:00 është i ndaluar qarkullimi, me përjashtim të rasteve emergjente.