Denoncimi i fortë i ish-deputetit: “Albpetroli” po vidhet, punonjësit po pushohen për t’u shitur lirë tek njerëzit e Ramës
Kryetari i PD-së Fier, dhe ish-deputeti i këtij qarku, Luan Baçi, i rikthehet edhe një herë çështjes së “Albpetrol”. Përmes një denoncimi publik, ish deputeti Luan Baçi shkruan se, drejtori i ri i kompanisë, Gazheli, vazhdon t’i paguajë me pagën 26,000 lekë dhe me sigurime shoqërore jo të plota, paga e famshme e luftës, edhe për ata që venë në punë, një padrejtësi e qëllimtë dhe shumë e dëmshme për ekonominë e familjet e punonjësve. Kreu i PD-së në Fier, shton gjithashtu se, “ALBPETROL” sh.a. do të privatizohet, do të vidhet, do të merret nga oligarkët e lidhur me pushterarët. Zyrat dhe drejtimi tashmë janë në Tiranë, të mbushura me militantë dhe hajdutë të rilindjes”, -shkruan ndër të tjera Baçi.
Denoncimi i Luan Baçit:
Drejtori i radhës i “Albpetrol” sh.a., GAZHELI dhe stafi i tij hajdut, vazhdon denjësisht në gjurmët e paraardhësve të tij. Punonjësit e “Albpetrol” vazhdon t’i paguajë me pagën 26,000 lekë dhe me sigurime shoqërore jo të plota, paga e famshme e luftës, edhe për ata që venë në punë, një padrejtësi e qëllimtë dhe shumë e dëmshme për ekonominë e familjeve të punonjësve. Shkurtuan mbi 250 punonjës në këtë periudhë, pavarësisht që e shtynë për momentin, zbatimin e vendimit, vënia në jetë, i tij është çështje ditësh. Në foton e paraqitur, po publikojmë një nga tenderat që po përgatit GAZHELI, me të besuarën e tij, drejtoreshën e programimit, anëtaren e këshillit bashkiak të Tiranës, Alketa Hila, (a thua humbi Fieri për financiere dhe juriste, dhe na vijnë të gjithë që nga P…S.. domethënë, që nga Tirana?). Një nga firmëtaret e KB Tiranë, për prishjen e Teatrit dhe nga ato hajdute që marrin nga dy apo tre paga, shumë honorare, që menaxhojnë nga Tirana “Albpetrolin” dhe po e bëjnë gati për t’a privatizuar së shpejti. Tenderi me një miliardë lekë me tvsh, për ruajtjen e objekteve të “Albpetrol”, në një kohë, që një pjesë e mirë e punonjësve që po shkurtojnë, janë roje të këtyre objekteve, që paguhen me pagë minimale 26 000 lekë, por që Gazheli e shikon të arsyeshme, të akordojë trefishin e lekëve, një kompanie, që patjetër, do jetë e përzgjedhur e tij, për ruajtjen e objekteve në një kohë, që ankohen për mungesë fondesh nga mos shitja e naftës dhe çmimi i ulët i saj, për shkak të pandemisë. Ka ditë që në “Albpetrol”, vijnë shpesh “ekspertë” të shumtë shtetërorë dhe privatë, fotografojnë, bëjnë video, shikojnë bilancet, bëjnë llogaritë deri në detaje, me shumë nxitim dhe kujdes të shtuar, në fshehtësi dhe pa bujë…. “ALBPETROL” sh.a. do të privatizohet, do të vidhet, do të merret nga oligarkët e lidhur me pushtetarët. Zyrat dhe drejtimi tashmë janë në Tiranë, të mbushura me militantë dhe hajdutë të rilindjes. Gazhelët dhe Alketat do të jenë pronarët e djersës dhe mundit, të shumë naftëtarëve, specialistëve, teknikëve dhe inxhinierëve, të banorëve, të Fierit, Mallakastrës, Patosit, Rroskovecit, Lushnjës, Vlorës, Delvinës dhe kudo, ku ekzistojnë vendburimet e naftës, kësaj pasurie të madhe dhe me shumë vlera të vendit tonë.