LAJM I FUNDIT/ Asnjë fjalë për vrasjen e 25-vjeçarit, reagon Ambasada Amerikane: Protestuesit hodhën objekte në drejtim të policisë dhe oficerët u plagosën!

280
Sigal

Ambasada Amerikane ka reaguar në lidhje me protestën e zhvilluar një ditë më parë në kryeqytet, pas vrasjes së 25-vjeçarit Klodian Rasha nga policia.

Në një reagim zyrtar, duke mos përmendur ngjarjen e rëndë të vrasjes së të riut, Ambasada shkruan se sipas raporteve të saj disa protestues hodhën objekte në drejtim të policisë dhe disa oficerë  u plagosën.

Më tej një njoftim thuhet se oficerët e policisë për të shpërndarë protestuesit përdorën gaz lotsjellës. Sakaq ambasada u bën thirrje qytetarëve amerikanë që të shmangin tubimet e mëdha në qytetin qendër, pasi demonstrata të ngjashme mund të përhapen në zona të tjera.

Ngjarja: Ambasada ka marrë raporte të protestave që ndodhin përpara zyrave qeveritare në bulevardin Deshmoret e Kombit në Tiranë. Raportet tregojnë se disa protestues po hedhin objekte në drejtim të policisë dhe oficerët u plagosën. Oficerët e policisë kanë përdorur gaz lotësjellës për të kontrolluar turmën. Qytetarët amerikanë duhet të shmangin tubimet e mëdha në qytetin qendër, pasi demonstrata të ngjashme mund të përhapen në zona të tjera.

Personeli i ambasadës amerikane dhe anëtarët e familjes janë këshilluar të shmangin të gjitha vendet ku demonstratat janë të afërta ose të vazhdueshme.

Shmangni tubimet e mëdha dhe çdo zonë ku demonstratat janë të afërta ose të vazhdueshme. Jini të vetëdijshëm për rrethinën tuaj. Monitoroni media lokale për azhurnime. Mbani një profil të ulët.