Një 25-vjeçar shqiptar është vendosur në pranga nga policia italiane pasi akuzohet se ka vjedhur naftë në një fshat në Itali.
Shqiptari e ka vjedhur naftën në një fermë të madhe në komunën e San Nicola Manfredi duke mbushur furgonin e tij me fuçi të mëdha.
Në mbrëmjen e 29 gushtit, karabinierët e stacionit San Giorgio del Sannio, pasi morën një denoncim nga fshatarët Santa Maria Igrisone u vendosën menjëherë në lëvizje. Pas një ndjekje që zgjati shumë pak, policia ndaloi 25-vjeçarin ku brenda furgonit ka gjetur edhe naftën.
Pas hetimeve të kryera menjëherë, ata konstatuan se materiali ka ardhur nga një garazh i një shtëpie në fshatin prej nga u krye edhe denoncimi.
Malli i vjedhur mbante vlerën e 5 mijë eurove. Ndërkaq policia pretendon se shqiptari nuk ka vepruar i vetëm por ka edhe bashkëpunëtorë. Ai u dërgua në burgun e Beneventos.
