Kosovë/ Një tjetër grua shtatzënë rezulton pozitive me koronavirus

312
Sigal

Pas ngjarjes tragjike të vdekjes së një gruaje shtatzënë nga koronavirusi, në Kosovë ka rezultuar pozitive me virusin e rëndë një tjetër shtatzënë. Mësohet se një 30-vjeçare, e cila rezultoi pozitive një ditë më parë, është shtruar në Klinikën e Gjinekologjisë për kontroll, pasi është shtatzënë.

“Një rast i ri infeksioni nga COVID-19.Pas konfirmimit se në komunën e Fushë -Kosovës kishim të gjitha rastet të shëruara, nga mbrëmë është një rast i ri i infektuar nga virusi COVID-19.

Bëhet fjalë për një 30 vjeçare e cila ishte e shtruar në Kliniken e Gjinekologjisë në Prishtinë për kontrollë pasi që është shtatzënë. Sipas informatave të IKSHP-së pacientja është në gjendje të mirë shëndetësore dhe është në kontrollë të vazhdueshëm.

Shtabi Emergjent i komunës së Fushë-Kosovës apelon te qytetarët që të përfillin masat e dhëna nga institucionet për lëvizje dhe të kenë kujdesin maksimal sepse situata në të cilën ndodhemi nuk duhet neglizhuar!”, thuhet në një njoftim të Shtabit Emergjent të Komunës së Fushë Kosovës.