Konfirmohen 13 raste të reja me koronavirus, të gjitha në Durrës

283
Sigal

Gjatë 24 orëve të fundit në vend  janë testuar 260 qytetarë si të dyshuar si të prekur me Covid19 dhe janë konfirmuar 13 raste të reja, duke e çuar në 946 numrin total të të infektuarve.

Rastet e reja janë kontakte të personave që tashmë rezultojnë pozitivë në vatrën e re të Durrësit, ndërkohë që po vazhdon hetimi epidemiologjik aktiv në terren.

Të shëruar – Nga 946 rastet, prej tyre, rreth 76% janë të shëruar.

Në spital – Gjendja në spitale paraqitet e qëndrueshme prej ditësh me 17 pacientë të shtruar dhe vetëm 3 prej tyre janë në terapi intensive.

Testimet – Deri më sot janë kryer mbi 12,500 testime dhe janë konfirmuar pozitivë me COVID-19 në të gjithë vendin.

COVID-19 – Statistika (17 Maj 2020)

Testime totale                         12554

Raste pozitive                            946

Raste të shëruara                      715

Raste Aktive                              200

Humbje jete                                31 (Qarku Tiranë 18, Durrës 6, Fier 3, Vlorë 1, Shkodër 2, Kukës 1)

Shpërndarja gjeografike e rasteve aktive është si vijon:

Tiranë           78

Krujë             46

Durrës          30

Shkodër       15

Kamëz          12

Berat            10

Fier                 4

Elbasan          2

Kurbin            1

Mirditë           1

Korçë             1

Ministria e Shëndetësisë dhe Mbrojtjes Sociale apelon qytetarët të tregohen të përgjegjshëm, duke respektuar distancimin fizik, duke ruajtur higjienën personale, duke shmangur vizitat tek të afërmit për çdo lloj arsye, ndërsa bizneset duhet të zbatojnë protokollet strikte.

Qytetarët duhet të jenë të kujdesshëm të mos neglizhojnë shenjat e sëmundjes Covid-19, ndaj ju lutemi telefoni në numrin unik të Urgjencës Kombëtare, 127.

Për informacion në lidhje me COVID19, për këshillim psikologjik në rast të shfaqjes së shenjave të ankthit apo shqetësime të tjera, ju lutemi, telefononi në linjën e gjelbër 0800 40-40.