Ka shkuar në katër numri i personave të arrestuar pas zbulimit të fidanëve të kanabisit në pyllin e fshatit Lofkënd në Mallakastër.
32- vjeçari i arrestuar sot ishte bashkëpunëtor i tre të arrestuarve dje në Mallakastër. Policia zbuloi në pyllin e Lofkëndit fidanët e kanabisit më pas bëri të mundur arrestimin e autorëve të cilit deri tani janë katër.
Po ashtu Policia ka arrestuar një person tjetër që nuk ka lidhje me këtë ngjarje, pasi iu zbuluan fidanë kanabisi në oborrin e banesës. J.H, 46 vjeç banues në Fier përfundoi në pranga.
Njoftimi i plotë i policisë:
Fier, Mallakastër
Specialistët për Hetimin e Krimeve në Komisariatin e Policisë Fier, arrestuan në flagrancë shtetasin:
1. H., 46 vjeç, banues në Fier.
Gjatë kontrollit të territorit, në oborrin e banesës së tij u gjetën të kultivuara disa fidanë narkotikë të dyshuara canabis sativa të cilat u sekuestruan në cilësinë e provës materiale.
Gjithashtu, nga specialistët për Hetimin e Krimeve në Komisariatin e Policicë Mallakastër, u ndalua dhe bashkëpunëtori i katërt si autor i dyshuar i tentativës së kultivimit të fidanëve narkotikë në pyllin e fshatit Lofkënd, shtetasi F. I., 32 vjeç, banues në Patos.
Ditën e djeshme u arrestuan në flagrancë nga policia 3 nga bashkëpunëtorët.
Materialet i kaluan Prokurorisë pranë Gjykatës së Shkallës së Parë Fier për veprën penale “Kultivimi i bimëve narkotike”.
