Dy shqiptarë dhe një shtetas italian janë arrestuar gjatë një operacioni të koduar ‘TRIP’ nga specialistë të Seksionit Kundër Narkotikëve në Policinë e Shkodrës.

Në pranga janë vënë shtetasi italian Marco Cavanna, 58 vjeç, banues në Itali, Elton Hyseni, 22 vjeç, banues në Itali dhe Arsen Hysaj, 29 vjeç, banues në Shkodër.

Arrestimi në flagrancë i këtyre shtetasve është bërë pasi gjatë një kontrolli në pikën kufitare në Muriqanit, shtetasit italian M.Cavanna në çantën e dorës ju gjetën dhe sekuestruan në cilësinë e provës materiale 124 gram lëndë e dyshuar kanabis sativa, të cilën në bashkëpunim me 2 shtetasit shqiptarë po tentonin ta kalonin përtej kufirit.