Thirrjes së kreut të shtetit Ilir Meta për manifestimin mbarëkombëtar të 2 marsit i është bashkuar edhe Kampioni i Europes për Peshëngritjen, Briken Calja.
Ai ka bërë apel për t’u bashkuar më 2 mars, në atë që e quan manifestim historik.
“Jam me presidentin, për Shqipërinë, për kombin, për Kushtetutën”, shkruan Calja në Facebook.
Presidenti Ilir Meta ka thirrur shqiptarët të bashkohen në manifestim në datën 2 mars, ku ka paralajmëruar se do të firmosë edhe dekretin e parë, por pa e specifikuar për çfarë. Ndërkohë kreu i shtetit ka thënë se nëse populli do ia kërkonte, do e shpërndante edhe Parlamentin.
