Jo vetëm nga Covid-19 : Ja nga se po vdesin të moshuarit

97
Sigal

Të moshuarit janë më të rrezikuarit për të humbur jetën pas infektimit me koronavirus, por sipas raporteve ata po vdesin edhe për disa arsye të tjera.

Një 75-vjeçar, i cili po qëndronte në një shtëpi pensioni në Alabama, arriti që t’i shpëtojë infektimit me Covid-19, por humbi jetën pasi ishte i kequshqyer, i dehidratuar dhe në kushte të dobëta të higjenës.

“Ai nuk mund ta mbante as kokën drejt sepse ishte dobësuar aq shumë. Ata ndaluan të kujdeseshin për të. Ata e braktisën atë “, tha djali i tij, Kevin Amerson.

Ndërsa më shumë se 97,000 banorë të kujdesit afatgjatë kanë vdekur gjatë pandemisë, jo nga koronavirusi, por për shkak të mbingarkesës së punëtorëve që i kanë lënë pasdore të moshuarit, për t’u kujdesur vetëm për ata që janë të infektuar.

Më shumë se 90,000 banorë të kujdesit afatgjatë kanë vdekur nga koronavirusi në Shtetet e Bashkuara. Por ekspertët thonë se dhjetëra mijëra të tjerë kanë vdekur nga neglizhenca dhe trishtimi në lidhje me pandeminë.

Përtej kësaj, intervistat me dhjetëra njerëz në të gjithë vendin zbulojnë rritje të vdekjeve më pak të qarta, që mjekët besojnë se janë ushqyer keq jo nga neglizhenca, por nga një gjendje mendore e zhytur në dëshpërim nga izolimi i zgjatur.

Një ekspert i shtëpive të të moshuarve i cili analizoi të dhënat nga 15,000 objektet e vendit për Associated Press vlerëson se për çdo dy viktima COVID-19 në kujdesin afatgjatë, ka një tjetër që vdiq para kohe për shkaqe të tjera.

Ato “vdekje të tepërta” përtej normës normale të vdekjeve në shtëpitë e të moshuarve mund të arrijnë më shumë se 40,000 që nga marsi.

Këto vdekje shtesë janë afërsisht 15% më shumë sesa ka qenë normalisht në shtëpitë e të moshuarve që tashmë përballen me dhjetëra mijëra vdekje çdo muaj në një vit normal.

Kjo sugjeron që kujdesi për ata që nuk e kanë infektuar virusin mund të ketë qenë i ndikuar pasi punonjësit e kujdesit shëndetësor konsumoheshin duke vizituar banorët e sëmurë nga COVID-19 ose ishin infektuar vetë dhe nuk mund të kujdeseshin për ta.