Ja shkeljet ligjore të Hasanit dhe Blerinës në Hipotekën e Tiranës

522
Sigal

Punonjësit e Hipotekës së Tiranës çdo ditë kryejnë shkelje të shumta të procedurave administrative, duke shkaktuar vonesa të mëdha, përtej afateve ligjore, në shërbimin ndaj qytetarëve dhe duke i detyruar këta të fundit që shpeshherë t’u drejtohen atyre me “zarfe” për të mbaruar punë. Historikisht, shkeljet e punonjësve të Hipotekës së Tiranës, të “blerinave” (Blerina është një nga punonjëset e Hipotekës) dhe “hasanëve” (një nga përgjegjësit e sektorit të regjistrimeve), të dashuruar tmerrësisht pas “zarfeve”, kanë sjellë shkelje të rënda, deri në mbivendosje pronash në kryeqytet me vlera të mëdha financiare. Ndërsa shërbimi ndaj qytetarëve s’ka sesi të jetë pjesë e planeve të “blerinave” dhe “hasanëve” të Hipotekës së Tiranës. Zyrat Vendore të Regjistrimit të Pasurive të Paluajtshme kanë qenë shpesh pjesë e auditimeve të KLSH-së, ku janë konstatuar një sërë shkeljesh, të metash e mangësish, lidhur me zbatimin e procedurave ligjore në pranimin, përpunimin dhe administrimin e të dhënave për regjistrimin e pasurive të paluajtshme, duke sjellë për pasojë përfitime pasurore të pamerituara, veprime në kundërshtim me ligjin. Mbi bazën e këtyre shkeljeve, KLSH ka kryer edhe kallëzime penale për shpërdorim detyre. Porse ujërat, më së shumti, turbullohen nga poshtë, falë blerinave dhe hasanëve që gjenden në çdo hipotekë në vend dhe, specifikisht, në atë të Tiranës, të cilët, përveçse emrit, kanë dhe një mbiemër, që do të zbardhen në vijim nga “Telegraf”. Kanë qenë të shumta denoncimet e qytetarëve të Tiranës pranë gazetës ndaj këtyre shkelësve të ligjit, të papërgjegjshëm si ndaj shtetit ashtu dhe ndaj qytetarit, të cilët shërbimin ndaj qytetarëve e bëjnë vetëm në këmbim të “zarfave” ose të “mikut” dhe jo se ia imponon ligji.Sipas ligjit, punonjësit e hipotekës, ose regjistruesit, brenda 30 ditëve nga data e paraqitjes së kërkesës, duhet t’i kthejnë përgjigje kërkuesit, pas pagesës së shpenzimeve, të cilat parapaguhen nga kërkuesi.Ndërsa duke vazhduar më tej, për të evituar mbivendosjen e pronave, nëse blerinat dhe hasanët do të respektonin ligjin “informacioni për regjistrimin e kryer, sipas nenit 25 të këtij ligji, duhet të afishohet për 45 ditë në një vend të përshtatshëm për konsultim publik, brenda zonës kadastrave, ku këto pasuri janë të lokalizuara. Ky afishim duhet të shoqërohet edhe me kryerjen e një njoftimi publik, për të lajmëruar individët që mund të kenë ndonjë pretendim për pasuritë e paluajtshme të regjistruara”.

 

LIGJ Nr. 33/2012 “PËR REGJISTRIMIN E PASURIVE TË PALUAJTSHME”

KREU IV, REGJISTRIMI FILLESTAR

 Neni 24

Regjistrimi fillestar i çdo pasurie të paluajtshme përfshin pasqyrimin e saj në hartën

kadastrale dhe përgatitjen e një kartele, në përputhje me dispozitat e këtij ligji dhe me

dispozitat e çdo akti, që përcakton pronësinë ose të drejta të tjera reale që ekzistojnë për

pasuritë e paluajtshme.

 Neni 25

Regjistruesi, një person ose çdo grup i ngarkuar nga Kryeregjistruesi kërkojnë që

pronësia, si dhe kufijtë e çdo pasurie që duhet regjistruar, të dokumentohen në bazë të kritereve

të mëposhtme:

a) pronësia dhe kufijtë e pasurive të paluajtshme përcaktohen nga aktet e fitimit të

pronësisë, sipas nenit 193 të Kodit Civil;

b) individët, familjet dhe personat juridikë, privatë apo shtetërorë, që zotërojnë

dokumente pronësie, sipas shkronjës “a” të këtij neni, por nuk kanë të përcaktuar në to

sipërfaqen, duhet t’i paraqesin regjistruesit një kërkesë për regjistrim pronësie, e cila duhet të

shoqërohet me:

i) dokumentin e pronësisë;

ii) një plan rilevimi të pasurisë, të përgatitur nga një subjekt i licencuar për punime topografike,

sipas kërkesës së të interesuarit apo nga Zyra e Regjistrimit të Pasurive të Paluajtshme;

iii) deklaratën noteriale të pronarëve kufitarë, që vërtetojnë përmbajtjen e kërkesës për kufijtë e

pasurisë që pretendohet të regjistrohet.

Regjistruesi, brenda 30 ditëve nga data e paraqitjes së kërkesës, duhet t’i kthejë

përgjigje kërkuesit, pas pagesës së shpenzimeve, të cilat parapaguhen nga kërkuesi. Kundër

vendimit të regjistruesit ose në mungesë të përgjigjes, me kalimin e këtij afati, kërkuesi mund të ankohet në gjykatë. Në procesin gjyqësor gjykata thërret të gjithë pronarët, pronat e të cilëve

janë kufitare me njëra-tjetrën, e të cilët kanë interes të ligjshëm për gjykim.

….

Këshilli i Ministrave nxjerr vendim për rregullimin e procedurave në zbatim të kësaj pike;

Neni 26

Njoftimi publik

Informacioni për regjistrimin e kryer, sipas nenit 25 të këtij ligji, duhet të afishohet

për 45 ditë në një vend të përshtatshëm për konsultim publik, brenda zonës kadastrave, ku këto

pasuri janë të lokalizuara. Ky afishim duhet të shoqërohet edhe me kryerjen e një njoftimi

publik, për të lajmëruar individët që mund të kenë ndonjë pretendim për pasuritë e paluajtshme

të regjistruara. Të gjitha gabimet e konstatuara apo pretendimet e paraqitura gjatë kohës së

afishimit duhet t’i bëhen të ditura regjistruesit. Çdo pretendim i paraqitur pas kësaj periudhe 45-

ditore të afishimit nuk do të pranohet për shqyrtim nga regjistruesi.