Ish-ministri i Shëndetësisë: Në Shqipëri kemi shumë më tepër raste të personave të infektuar

1107
Sigal

Ish-ministri i Shëndetësisë Leonard Solis, shprehet se ngjashëm me Italinë do t’i vijë radha edhe Francës.

I ftuar në “Arena”, Solis tha se OBSH-ja shpalli pandeminë duke i lënë qeverive vend për të marrë masa drastike.

Përveç kësaj, ai shtoi se në Shqipëri ka një numër rastesh që janë zbuluar, por sipas tij, ka edhe më shumë raste.

Leonard Solis: Siç është Itali tani do t’i vijë radha e Francës, se është i njëjti trend. Është një virus që i gjen të gjithë të papërgatitur. Kjo ndikon te mortaliteti dhe jo te pjesa epidiomologjike. Ata njerëz kanë sëmundje shoqëruese. Mortaliteti në Itali është më i lartë. Edhe SARS e kishte 10%, ndërsa për moshat e reja 1%. Kemi kaluar në 120 shtete. OBSH tashmë shpalli me shumë kujdes pandeminë, duke i lënë qeverive që të marrin masa shumë më drastike duke përfshirë edhe ushtrinë. Në Shqipëri kemi këtë numër që kemi, këto janë të zbuluara, por natyrisht kemi shumë më tepër raste.