Grupi “Mondialpol”, lider italian në Shërbimet e Ruajtjes Private, të Transportit, Numërimit dhe Ruajtjes së Vlerave Monetare, me një xhiro totale prej 265 milionë € në 2017 dhe me një total të punësuarish prej 3400 (në mënyrë të drejtpërdrejtë ose jo), nëpërmjet INCOFIN Shpk, shoqëri aksionere e e Familjes Mura, me ndihmesën e Dok. Nicola Carone i Studios “Carone Tregtare, Biznes & Ligjore”, në maj të 2018, përmbylli procesin e blerjes të 50% të aksioneve të Pelikani Security, në pronësi të Z. Vesel Demiraj dhe shoqërisë lider në Shërbimet e Ruajtjes dhe Sigurisë, Transportit dhe Shoqërimit të Vlerave Monetare. Pelikani Security ka të punësuar mbi 680 persona dhe një xhiro vjetore prej 3,4 milionë euro.
Pelikani Security-2 është një shoqëri e themeluar në vitin 2006. Qëllimi i aktivitetit të saj është shoqërimi, transportimi dhe ruajtja e vlerave monetare dhe sendeve me vlerë në përputhje me kërkesat që parashtron ligji. Aktiviteti ushtrohet sipas kategorisë 1.3. “B” me licencë LN – 0593- 12 – 2015 lëshuar me 15.12.2015.
Mjetet në zotërim nga Pelikani Security–2 janë mjetet e shoqërimit dhe mjetet e blinduara. Janë të pajisur me Certifikatën ADR “Për transportin e mallrave të rrezikshme”.
Përveç të tjerash automjetet e Shoqërisë kanë nivelin ndaj rezistencës balistike FB4+, BR4, BR5, BR6, BR7, standardi UNI EN 1522 ndaj pushkëve kallashnikov si edhe mjetet janë të pajisura me shkuma bllok etj.
Personel i trajnuar dhe i stërvitur në ruajtjen dhe transportin e vlerave monetare. Të pajisur me armët më të mira të standardeve ndërkombëtare (armë të gjata, Beretta). Personeli është i pajisur me jelek antiplumb, detektorë, shkopinjë gome, pranga etj.
- Kjo shoqëri disponon salla operative në Tiranë (Kashar), Korçë, Elbasan, Vlorë, Lushnjë, Durrës, Lezhë dhe Shkodër .
Sallat operative janë të pajisura si më poshtë:
- Sisteme sigurie, sinjale alarmi me servera të detajuar.
- Sisteme GPS (GPS të automjeteve).
- Sisteme vëzhgimi me kamera.
- Sisteme komunikimi me radio profesionale.
- Survejim ekskorte me GPS dhe komunikim elektronik.
- Sistem sinjali elektronik për detektim tymi.
- Ndërhyrje me grup të gatshëm motoristësh dhe automjete.
- Staf i certifikuar për sigurinë fizike aktiv 24 në 24.
Në përfundim të procesit të blerjes, Pelikani Security-2 u transformua në një Shoqëri Aksionere duke marrë emërtimin e ri “Pelikani Mondialpol Sh.A.”.
“Mundësia për të investuar në një treg si ai shqiptar – deklaron Fabio Mura administrator i deleguar i “Incofin shpk” – përfaqëson për Grupin Mondialpol fillimin e një procesi të kujdesshëm dhe fitimprurës në tregun ndërkombëtar me objektivin për të përsëritur standardet cilësore të shërbimeve tashmë të përmbushura në Itali, shërbime që i zhvillojmë në pjesën më të madhe të veriut të Italisë, pjesës qendrore dhe ishujve: Lombardia, Piemonte, Veneto, Friuli Venezia Giulia, Umbria, Sardegna, Marche, Toscana.”
Aktivitetet kryesore të shoqërisë së re “Pelikani Mondialpol Sh.a.” do të jenë shërbimet e transportit të vlerave monetare, numërimi dhe ruajtja e tyre në të gjithë territorin shqiptar drejtuar klientëve financierë (Bankat, GDO etj) si edhe edhe rrjeteve të shitjeve me pakicë.
“Zgjodhëm Shqipërinë – deklaron Marco Mura, Aministrator i Deleguar i “Incofin Shpk.” – për shkak të nivelit të lartë të rritjes ekonomike, regjistruar në vitet e fundit si edhe për kushtet shumë të volitshme që ofron për investimet e huaja, duke siguruar edhe një situatë makro-ekonomike të qëndrueshme për vendin“.
Me operacionin e sapo përfunduar, Shoqëria e re “Pelikani Mondialpol” do të vazhdojë në politikën e saj të zgjerimit territorial dhe të përforcimit të lidershipit të saj në sektorin e Sigurisë Private dhe të Transportit të vlerave Monetare.
