Erozioni i krijuar nga lumi Kir po kërcënon fshatin Bardhaj në Shkodër. Shumë të shqetësuar janë dhe banorët e këtij fshati pasi nuk shohin asnjë reagim nga institucionet përkatëse.
Vit pas viti lumi ka vazhduar të grryejë sipërfaqe të mëdha bujqësore dhe tani i është afruar shumë fshatit me 100 shtëpi të fshatit Bardhaj në njësinë administrative Rrethina.
Banorët tregojnë se jetojnë çdo ditë me frikën se rrjedha e rrëmbyeshme mund t’u marrë pasurinë e një jete.
Institucioni që duhet të ndërhyjë në raste të tilla është bordi i kullimit në koordinim me emergjencat civile, por siç duket transferimi që qeveria i bëri bordit në Lezhë, sipas banorëve i kanë braktisur përballë zemërimit të lumit Kir.