Infektohet me covid-19, Presidenti i Konferencës Ipeshkvnore të Shqipërisë, Angelo Massafra

32
Sigal

Konferenca Ipeshkvnore e Shqipërisë, me anë të një njoftimi për shtyp bën me dije se Presidenti i KISH, Imzot, Angelo Massafra ka rezultuar pozitiv me virusin, covid-19.

Në njoftim, KISH shprehet se Massafra do të transferohet për mjekim më të specializuar në Spitalin “Miulli di Acquaviva delle Fonti” në qytetin e Barit, në Itali.

Njoftimi për shtyp i KISH :

Pas disa shqetësime shëndetësore, me simptoma virusi Covid-19, si dhe pas ekzaminimeve më të specializuara, Arqipeshkvi i Arqidioqezës Shkodër-Pult dhe njëkohësisht Presidenti i Konferencës Ipeshkvore Shqiptare Shkëlqesia e Tij Imzot Angelo Massafra, rezultoi pozitiv, pra i infektuar nga virusi në qarkullim, Sars Covid-19.

Aktualisht gjendja shëndetësore e tija paraqitet e qëndrueshme, përpos disa simptoma tipike të këtij virusi, sikurse është ajo e temperaturës.

Për arsye të parandalimit të simptomave të tjera si dhe për të përballuar sa më mirë pikun e sëmundjes, sot, Shkëlqesia e Tij, Imzot Massafra do të transferohet për një mjekim më të specializuar në SpitalinMiulli di Acquaviva delle Fonti” (Bari-Itali).

Jemi të sigurt për profesionalizmin e personelit mjeko-sanitar që po ndjek dhe që do të vazhdojë të ndjek ecurinë e sëmundjes së Arqipeshkvit, por i besohemi edhe lutjes së të gjithëve dhe të secilit që mëshira e Zotit të tregohet me hirin e shërimit për të dhe për të gjithë të prekurit nga kjo sëmundje.

Në ditët e ardhshme, duke filluar që nga shtrimi dhe në vazhdim, sapo të kemi njoftime nga drejtoria e spitalit, do informoheni në mënyrë të rregullt.