Dy pronarë hotelesh vihen në pranga për shfrytëzim prostitūcioni dhe për mbajtje të hoteleve për shfrytëzim prostitūcioni, ndërkohë që pesë vajza janë arrestuar gjithashtu për ushtrim të prostitūcionit.
Policia bën me dije se ka finalizuar operacionin ‘Zhuri”, pas shtatë muajsh hetimi të zhvilluara nga Komisariati i Policisë Kavajë, nën drejtimin e Prokurorisë së Rrethit Gjyqësor Kavajë.
E pëson edhe një burrë, që u kap mat në dhomën e hotelit duke kryer marrëdhënie me një nga vajzat që ushtronte prostitūcion.
NJOFTIMI
Specialistët për Hetimin e Krimeve në Komisariatin e Policisë Kavajë, pasi kishin siguruar të dhëna në rrugë operative se disa shtetase shfrytëzoheshin për prostitūcion nga dy pronarë hotelesh, kanë regjistruar procedimin penal në Prokurori dhe nën drejtimin e saj, pas 7 muajsh hetime siguruan prova për dokumentimin e këtij aktiviteti kriminal.
Në këtë kuadër, nga Seksioni për Krimet në Komisariatin e Policisë Kavajë, nën drejtimin e Prokurorisë së Rrethit Gjyqësor Kavajë dhe në bashkëpunim me Sektorin e Forcave Operacionale të DVP Tiranë, u finalizua me sukses operacioni policor i koduar “Zhuri”, në kuadër të të cilit u ekzekutuan masat e sigurisë të lëshuara nga Gjykata, pas provave të siguruara gjatë hetimit dhe konkretisht ndaj shtetasve:
B. Gj., 61 vjeç, banues në Rrogozhinë, me masë sigurie “Arrest në burg”, për veprat penale “Shfrytëzimi i prostitūcionit” dhe “Mbajtja e lokaleve për prostitucion”.
Ky shtetas është pronar i një hoteli në zonën e quajtur ”Bishti i Zhurit”, në Rrogozhinë;
F. H., 58 vjeç, banues në Rrogozhinë, me masë sigurie “Arrest në burg”, për veprat penale “Shfrytëzimi i prostitūcionit” dhe “Mbajtja e lokaleve për prostitucīon”. Ky shtetas është pronar i një hoteli në zonën e quajtur “Bishti i Zhurit”, në Rrogozhinë;
M. M., D. M., G. D., Q. R. dhe V. M., me masë sigurie “Arrest në burg”, për veprën penale “Prostitūcioni”.
Gjithashtu u arrestua në flagrancë shtetasi R. L., banues në Divjakë, pasi është kapur në flagrancë në ambientet e hotelit në pronësi të shtetasit B. Gj., duke kryer marrëdhënie seksuāle kundrejt pagesës, me shtetasen Q. R.
Në cilësinë e provave materiale janë sekuestruar 370.000 lekë të reja, të përfituara nga shfrytëzimi i këtyre shtetaseve për prostitucion, 7 telefona celular dhe një autoveturë.
Materialet në ngarkim të këtyre shtetasve i kaluan Prokurorisë pranë Gjykatës së Shkallës së Parë Kavajë, për veprat penale “Shfrytëzimi i prostitūcionit”, “Mbajtja e lokaleve për prostitucion“ dhe “Prostitūcioni”.
