Greva e grekëve mbyll Kakavijën, Dogana Shqiptare jep detaje: Përjashtim do të ketë vetëm për…

205
Sigal

Për shkak të një greve nga pala greke, dogana e Kakavijës do të jetë e mbyllur për 24 orë. Lajmi konfirmohet nga Dogana Shqiptare, e cila njofton se me orën lokale greke, duke nisur nga 07:00 të ditës së nesërme deri më 07:00 të 18 shkurtit nuk lejohet asnjë automjet, motoçikletë, autoveturë apo furgon të transortojë qytetarë apo kamionët mallra.

Dogana i bën thirrje qytetarëve e bizneseve që nesër dhe pasnesër të shmangin udhëtimet nga Kakavija.

Përjashtim do të ketë vetëm për udhëtarët këmbësorë, kamionët që transportojnë mallra ushqimore që ruhen në kushte frigoriferike, kamionët që transportojnë kafshët e gjalla, medikamente dhe automjetet për raste emergjente.

Njoftimi i Dogan Shqiptare: 

Mbyllet Dogana e Kakavijës për 24 orë, shkak greva nga Dogana greke

-Dega Doganore e Kakavijës do të jetë e mbyllur në harkun kohor prej 24 orësh, duke filluar nga dita e nesërme, datë 17 shkurt, ora lokale greke 07:00 deri në orën 07:00 të datës 18 shkurt.

-Kështu bëhet me dije nga Autoritetet e Policisë greke, të cilët në bazë të një njoftimi zyrtar që i kanë dërguar Policisë Kufitare Kakavije??????, sqarojnë se për shkak të grevës që do të zhvillohet nga punonjësit e doganës greke, do të ketë një ndërprerje të punës, duke filluar nga dita e nesërme, datë 17 shkurt, ora lokale greke 07:00 deri në orën 07:00 të datës 18 shkurt.

-Sipas njoftimit, gjatë këtij harku kohor, si në hyrje dhe në dalje të doganës greke, nuk do të lejohet kalimi i automjeteve si motoçikleta, autovetura, furgonë që transportojnë qytetarë dhe kamionët që transportojnë mallra.

-Përjashtim do të ketë vetëm për udhëtarët këmbësorë, kamionët që transportojnë mallra ushqimore që ruhen në kushte frigoriferike, kamionët që transportojnë kafshët e gjalla, medikamente dhe automjetet për raste emergjente.

-Dogana Shqiptare iu bën thirrje të gjithë qytetarëve dhe bizneseve që duan të udhëtojnë drejt Greqisë, që gjatë këtij harku kohor, të shmangin udhëtimin në drejtim të kësaj dege doganore.