Grabitja e kasafortës, pronarja e shtëpisë: U prezantuan si policë, shokët e djalit, e hapën me gur freksibël

462
Sigal

Dalin të tjera detaje në lidhje me grabitjen që ndodhi dje në Fushë-Milot.

3 persona, të maskuar pasi hynë në banesën e Taf Shabanit, vodhën prej aty një shumë të madhe eurosh.

Zonja e shtëpisë ka treguar momentet e tmerrit që përjetoi teksa 3 persona të maskuar iu shfaqen në banesë.

Hume Shabani tha se në kasafortë ishin lekët e të gjithë fëmijëve, të cilët prej 30 vitesh punonin si emigrantë. Ajo tha se autoret kishin hapur kasaforten me gur freksibel.

“Ka ndenjur burri me vajzën ca kohë në Tiranë, ajo ka punuar dhe i ka futur eurot këtu me i ruajt e shkreta. Kalamajtë kanë 30 vjet andej që punojnë. Ishin 3 veta. Unë u thash si vini pa një kryetar komune apo dhe me një operativ zone. I thash se ku e gjetët shtëpinë time?!Ishin të maskuar.

Njëri prej tyre, ishte i vogël, e hoqi maskën dhe tha; ‘mos u tremb’. Por jam operuara dhe nuk shoh mirë. Ai e vuri prapë maskën. Njëri ruante që nga rruga. Kishin parë gur freksibël. U thash; “a jeni diversant? Si e prekni gjënë e juaj”. Ishte ora rreth 17:00. Plaku ishte duke pirë kafe me një bashkëfshatar. Kur e kuptova se ishin hajdutë doja të merrja policinë në telefon, por nuk më lanë.

Ma morën celularin. Më thoshin; ku e ke djalin? Ka dalë djali nga burgu? ku ke armë? Ka lënë djali armë? Më pas e kuptova. Ata ikën dhe morën të gjitha. Më pas dola poshtë dhe njoftova plakun. Plaku desh vdiq. Policia erdhi më pas. Djali është në burg (ne burg ne Itali). Se di për çfarë e morën. Xhevair Shabani e ka emrin djali im. Po ben gati 1 vite e gjysëm ne burg”, u shpreh ajo.