Gjykata Kundër Krimit të Organizuar ka dënuar me 11 vite burg Bardh Hotin, të arrestuarin e operacionit “Aquila 2019” për grabitjen në bashkëpunim të 60 shtëpive në qytetin e Nens-it në Francë. Vendimi u dha sot nga trupa gjykuese.
Bardh Hoti përdorte dhe dy identitete të tjera (Fatbardh Hoti dhe Fatbardh Daci). Në maj 2019, policia franceze e arrestoi së bashku me Bardh Hotin dhe Besnik Fufin, Aleks Markun dhe Alfons Përkolan.
Policia franceze zbuloi se për 3 muaj në vitin 2018, Bardh Hoti së bashku me grupin e hajdutëve kishin grabitur 60 shtëpi në qytetin e Nensit. Sipas të dhënave, ata mbështeteshin nga nëj familje nga Kosova, e cila bashkëpunoi me drejtësinë për zbulimin dhe arrestimin e plotë të “grupit të skifterëve”.
Autoritetet e rendit francez akuzojnë Hotin se ka vjedhur 150 mijë euro (70 mijë euro cash dhe sende me vlerë). Gjatë operacionit, policia përllogariti se vlera totale e parave dhe sendeve të çmuara shkon në 300 mijë euro.
Ndaj grupit të arrestuarve u ngritën akuzat e “vjedhjes”, “pastrimit i produkteve të veprës penale” dhe “grupi i strukturuar kriminal.Në dhjetor të vitit të kaluar, Prokuroria e Posaçme Antikorrupsion kërkoi 11.4 vite burg për Bardh Hotin.