Grabiste të rinjtë te liqeni, polici i bashkisë: Më duheshin lekë për të larë kredinë

77
Sigal

Polici bashkiak Sajmir Muzikanti, ka rrëfyer para prokurorisë sesi ndodhte grabitja e qytetarëve tek Liqeni Artificial.

Ai ka treguar se ndihmohej nga Serxho Cani, një tjetër punonjës policie. Muzikanti është shprehur se grabiste qytetarët pasi kishte kredi për të larë.

‘Sa herë që isha turni i tretë në punë merrja në telefon Serxhion dhe i thoja hajde dalim nga Liqeni. Për shkak të kredisë që kam detyrohesha t’u merrja paratë me zor qytetarëve. Këtë gjë e kam bërë në bashkëpunim me Serxhion’, ka dëshmuar ai.

Nga ana tjetër, Cani, polici i patrullës i ka mohuar akuzat dhe ka treguar se s’ka pasur përfshirje në grabitje.

Por provat nga AMP kanë treguar të kundërtën. Dy policët, vepronin kryesisht në zonën e Liqenit Artificial dhe vidhnin qytetarët kur i kontrollonin, ose konsumuesve të kanabist i merrnin para që mos ti arrestonin.