Gazetari denoncon me video: I moshuari ngacmon seksualisht vajzën me probleme mendore në mes të rrugës në Durrës

79

Një i moshuar ka ngacmuar seksualisht një vajzë me probleme mendore në mes të ditës në Durrës.

Ky është denoncimi i publikuar nga gazetari Osman Stafa i cili ka hedhur një video ku shihet sesi i moshuari prek vajzën në zona intime në mes të rrugës.

Ndonëse denoncimi është bërë në polici, lidhur me këtë ngjarje sipas gazetarit uniformat blu nuk kanë reaguar për të arrestuar të moshuarin.

“E frikshme!!!! I moshuari ne Durrës, kryen veprime të turpshme ndaj një vajze me probleme mendore, në mes të ditës, në mes të rrugës. Edhe pasi u denoncua në polici, këta të fundit nuk e shoqëruan në komisariat perversin e moshuar, për të bërë zbardhjen e ngjarjes, por e lanë të lirë.

Bashkangjitur keni edhe shpjegimin e dëshmitares që njeh vajzën me probleme mendore dhe çfare ka bërë ajo për të ndihmuar sadopak vajzën. Ku shoqatat, ku organizatat, ku shteti social, ku…ku…?”, shkruan Stafa.