Moti i keq ka përfshirë ditën e sotme edhe zonën e Lezhës. Era e fortë ka shkaktuar dëme të mëdha, sidomos në zonën bregdetare. Për shkak të forcës së erës, janë rrëzuar disa pisha në bregdetin e Shëngjinit.
Po kështu, vihet re edhe një fenomen i përkohshëm si pasojë e motit të keq. Erërat mesdhetare, së bashku me baticën, kanë bërë që deti të mbulojë krejtësisht bregun, ku gjatë verës qëndrojnë çadrat e plazhistëve.
Në Velipojë uji ka mbuluar edhe shëtitoren në gati 50 cm lartësi.
Deti pritet të tërhiqet në kufijtë e tij në ditët në vijim, në të gjithë vijën bregdetare prej 14 km të Plazhit të Velipojës dhe në Shëngjin.
