Flakët kanë përfshirë ditën e sotme njësinë administrative të Antigonesë në Gjirokastër.
Zjarri, shkaqet e të cilit ende nuk dihen, ka djegur një sipërfaqe prej 1 hektari me barëra dhe shkurre.
Raportohet se ngjarja ka ndodhur në zonën ku 3 vjet më parë, po për shkak të flakëve u dogjën sipërfaqe të tëra me kullota dhe humbën jetën dy persona.
Sakaq, falë ndërhyrjes së shpejtë të efektivëve zjarrfikës flakët u izoluan dhe u shuan përfundimisht.
