Fasonët- KQZ-së: Pezulloni inspektimet katër muaj para zgjedhjeve

81
Sigal

Kompanitë e fasonëve i kërkojnë Komisionerit Shtetëror të Zgjedhjeve të pezullohen të gjitha inspektimet dhe kontrollet nga organet inspektuese nga katër deri në pesë muaj para zgjedhjeve.

Në një shkresë e cila mban datën e një dite më parë, ato thonë kjo kërkesë vjen si masë për të mos pasur ndikim në zgjedhjet parlamentare të 25 Prillit.

Kërkesa:

Ne jemi Shoqata Pro-Eksport Albania, përfaqësuesja unike e 700 fabrikave të industrisë së veshjeve dhe këpucëve, industri që në vitin 2019 jepte mbi 40 përqind të eksporteve dhe punësonte mbi 70 mijë punonjës.

Duke vlerësuar vlerën e shtuar që po jepni në drejtimin e një institucioni thelbësor si Komisioni Qendror i Zgjedhjeve, një organ i përhershëm që përgatit, mbikëqyr, drejton dhe verifikon të gjitha aspektet që kanë të bëjnë me zgjedhjet dhe me referendumet dhe shpall rezultatet e tyre, mbështesim plotësisht draft rregulloren që u është shpërndarë për konsultim subjekteve politike.

Duke qenë grupimi më i madh, në përfaqësim, me impaktin ekonomik dhe social që ka, do të dëshironim që edhe ne të jepnim mendimin tonë mbi një pikë të rëndësishme e në mbështetje të draftit Tuaj: Të pezullohen të gjitha inspektimet/kontrollet nga Organet Inspektuese (Tatimet,• Inspektoriati i punës, Doganat, Inspektoriati i mjedisit e të tjerë), për një afat kohor 4/5 muaj para zgjedhjeve dhe 4/5 mbas daljes së rezultateve të tij.

E gjitha kjo në frymën e mosndikimit paraprak ose retro te tij.

Kjo e mbështetur edhe në eksperiencat e mëparshme të ndodhura siç ishte Ligji Nr. 39/2014 Për faljen e dënimeve administrative në formën e gjobave, të vëna në bazë të kontrollove dhe verifikimeve Tatimore për periudhën 1 Mars deri më 31 Gusht 2013.

Me respekt dhe besim se kjo kërkesë do të merret parasysh nga Ju.