Një shpërthim me tritol ka tronditur Shkodrën në orët e para të mëngjesit të kësaj të premteje. Lënda eksplozive është vendosur në lokalin e efektivit te policisë së Shkodrës Ndrek Rrasa.
Ngjarja ka ndodhur rreth orës 2 e 30 minuta ne fshatin Grude e Re. Nga sa mësohet pasi i kane vendosur tritolin lokalit, autorët kanë djegur edhe furgonin e parkuar para lokalit qe ishte ne pronësi të efektivit
Policia dhe grupi hetimor po punojnë për identifikimin dhe kapjen e autorëve si dhe zbardhjen e plotë të rrethanave të ngjarjes.
Shkodër/Informacion Paraprak
Rreth orës 02:20, në fshatin Grudë e re, Shkodër, ka shpërthyer lëndë plasëse në derën e lokalit të shtetasit N. Rr. 46 vjeç , banues në fshatin Grudë e re, me detyrë punonjës policie pranë Komisariatit të Policisë Shkodër.
Për pasojë ka vetëm dëme materiale në lokal si dhe është dëmtuar edhe mjeti i tij autobus, i parkuar para lokalit.
Grupi hetimor nën drejtimin e Prokurorisë së Rrethit Gjyqësor Shkodër, po punon për zbardhjen dhe sqarimin e plotë të kësaj ngjarje.
