Anxhela Meçani është 18-vjeçarja e cila u gjend e vdekur mbrëmjen e së shtunës në Torino.
Të renë e masakruan në mënyrë makabre dhe në trup iu gjetën plagë të rënda dhune.
Media italiane “La Repubblica” shkruan se 18-vjeçarja ishte punëtore seksi në Torino.
Ajo u transportua në gjendje të rëndë shëndetësore në spitalin Santa Croce në Moncalieri dhe ndërroi jetë pas 24 orësh e vetme në shtratin e reanimacionit, pasi askush nuk kishte shkruar për t’u kujdesur për të.
Ka qenë telefonata e një shoferi, që ka alarmuar policinë dhe ambulancën në Torino.
”Dikush hodhi një njeri nga makina dhe ja mbathi. Ndihmë, nuk di çfarë të bëj”, raportoi shoferi italian i cili kishte dëshmuar pjesën kur një makinë në lëvizje kishte hedhur në rrugë kufomën e18-vjeçares.
Mediat italiane shtojnë se nga mënyra se si është hedhur duket qartë që personat në fjalë kanë pasur qëllim ta vrisnin, pa dyshuar se dikush mund t’i kishte parë.
Hetuesit ndër të tjera po mundohen të rindërtojnë të gjithë ngjarjen, se në çfarë vendi mund të këtë hipur në makinë. Ata shpresojnë që duke identifikuar makinën të marrin edhe pamjet e para të kamerave të sigurisë, brenda së cilës ndodhej edhe agresori që mendohet se i mori jetën shqiptares.
Në lidhje me këtë krim të rëndë nuk është ndaluar asnjë person, ndërkohë që dy janë pistat në të cilat policia po heton.
Dyshohet se e reja është eliminuar nga organizata mafioze italiane ose ka hasur në klientin e gabuar.
