Në orët në vijim, kushtet meteorologjike pritet të përkeqësohen në vend.
Kështu, drejtoria e Përgjithshme detare ka dalë me një njoftim duke paralajmëruar subjektet që ushtrojnë veprimtari në fushën detare të marrin masa për të parandaluar rreziqet që shkakton moti i keq.
Në njoftim bëhet me dije se moti do të përkeqësohet për datën 09-10-11 dhjetor 2022.
Ndërsa lartësia e dallgës pritet të arrijë nga 1.5 deri 3 metra.
Njoftim për përkeqësim të motit në Republikën e Shqipërisë!
Drejtoria e Përgjithshme Detare ju njofton se në bazë të parashikimit për situatën hidrometeorologjike moti do të përkeqësohet për datën 09-10-11 dhjetor 2022 duke filluar nga ora 12:00 date 09 dhjetor era do të jetë me drejtimin Jug-Jug-Lindje dhe Jug Jug-Perëndim në forcën 5-9 bft, 1.00-1.50m dhe shpejtësi 12-25m/s dhe lartësi dallge nga 1.50 deri 3.00 metra.
Subjektet që ushtrojnë veprimtari në fushën e detarisë , duhet të marrin të gjitha masat e nevojshme për të qenë të sigurt dhe parandaluar çdo rrezik të mundshëm për shkak të kushteve të përkeqësuar të motit.
Përmirësimi i situatës meteorologjike të përkeqësuar do të jetë mbas datës 11 dhjetor 2022 ora 12:00.
