Operacioni policor “Befasia” ka vënë në pranga sot një 32-vjeçar me precedent penal në fushën e narkotikëve, i cili qarkullonte me armë zjarri.
Policia e Tiranës ka njoftuar sot se arrestimi i tij, është bërë pas tri javë hetimesh, pasi informacioneve se ky shtetas në vendin e quajtur ” Qytet i nxënësve” po qarkullonte me biçikletë dhe mund të kishte me vete lëndë narkotike dhe ārmë zjarri, kanë zhvilluar operacionin policor “Befasia”.
I arrestuari është shtetasi Klodjan Troci, ndërkohë që policia saktëson se atij në çantën që mbante në dorë, iu gjet një armë zjarri pistoletë me silenciator.
NJOFTIMI
Sekuestrohen një armë zjarri pistoletë me silenciator dhe municion luftarak.
Në vijim të punës për parandalimin, evidentimin dhe goditjen e shpërndarjes së drōgave të forta, shërbimet e Seksionit për Hetimin e Narkotikëve, pas një hetimi trijavor, kanë zhvilluar operacionin policor të koduar “Befasia”, si rezultat i të cilit u bë e mundur kapja dhe arrestimi në flagrancë i shtetasit K. T., 32 vjeç, banues në Tiranë, person me precedent penal në fushën e shpërndarjes së drōgave të forta në doza të vogla.
Specialistët për Hetimin e Narkotikëve, pas informacioneve të marra në rrugë operative se një shtetas me precedent të mëparshëm penal vijonte të ushtronte aktivitetin kriminal në fushën e narktikëve, kryesisht në Kombinat dhe në zonën e Tiranës së Re, kanë regjistruar procedimin penal në Prokurorinë e Rrethit Gjyqësor Tiranë.
Pa tri javë hetimesh, nisur dhe nga informacioni i marrë se ky shtetas në vendin e quajtur ” Qytet i nxënësve” po qarkullonte me biçikletë dhe mund të kishte me vete lëndë narkotike dhe armë zjarri, kanë zhvilluar operacionin policor “Befasia”. Gjatë kontrollit, shtetasit K. T., në çantën që mbante në dorë, Policia i gjeti një armë zjarri pistoletë me silenciator.
Gjatë kontrollit në banesën e këtij shtetasi, Policia gjeti dhe sekuestori edhe një sasi fishekësh luftarak.
Materialet i referohen Prokurorisë së Rrethit Gjyqësor Tiranë, për hetime të mëtejshme, për veprën penale “ārmëmbajtja pa leje”, për të cilën parashikohet dënimi me burgim deri në 7 vjet.
