Vijojnë reshjet e borës në Qarkun e Dibrës, ku trashësia në qytetin e Peshkopisë kalon mbi 45 cm ndërsa në zonat e thella varion 70-80 cm.
Rrugët nacionale që lidhin Peshkopinë me Tiranën dhe Peshkopinë me Kukësin kalohen me zinxhirë.
Aksi Peshkopi- Qafë Draj drejt Kukësit dhe Ura e Çerenecit – Librazhd kalohen pjesërisht por nuk janë të hapura.
Të gjitha njësitë administrative janë të bllokuara, përveç atyre që janë përgjatë rrugëve nacionale.
Fadromat e kontraktuara nga Bashkia kanë hapur vetëm rrugët kryesore të qytetit, ndërsa nëpër fshatra vijojnë të mbeten të bllokuara.
Si pasojë e rëndesës nga bora janë thyer pemë, shtylla dhe janë këputur telat e energjisë elektrike, duke lënë në errësirë më shumë se 80% të Dibrës.
Situatë e vështirë është edhe në rrethin e Bulqizës ku trashësia e borës kalon gjysmë metri. Në Segmentin nga Pishat e Bulqizës deri në Qafën e Buallit ka pasur bllokime të herë pas hershme për shkak të dëborës.
