Policia Kufitare e Viçishtit në Dibër
sekuestroi 507 kg kafe kontrabandë, shpalli në në kërkim poseduesin. Burime nga
policia bëjnë me dije se filloi procedimin penal si dhe bëri shpalljen në
kërkim të shtetasit B.T., 51 vjeç, banues në fshatin Gjoricë e Poshtme,
Bulqizë, për veprën penale: “Kontrabandë me mallra që paguhet akcizë”.
Procedimi ndaj tij filloi pasi në orët e para të
mëngjesit të datës 21.11.2016, ka tentuar të futë kontrabandë
“Kafe” nëpërmjet kufirit të gjelbër nga Maqedonia në drejtim të
Shqipërisë, me mjetin e tij tip “Ford Fugon”. Shtetasi B.T, sapo ka
parë shërbimet e Policisë Kufitare ka braktisur automjetin dhe është
larguar duke përfituar dhe nga errësira.
Gjatë kontrollit të ushtruar në automjetin e tij, iu gjetën
dhe sekuestruan 387 kg kafe kontrabandë të markës “AMIGOS” dhe 120 kg kafe të
markës “Origin Indiana”, me peshë totale 507 kg. Vazhdon puna për kapjen
e drejtuesit të automjetit. Materialet i kaluan për veprime të mëtejshme
Prokurorisë Dibër, për veprën penale “Kontrabanda me mallra që paguhet akcizë”.