Këta janë dy të rinjtë 22 dhe 26 vjeç, që mbetën të vrarë në oborrin e qëndrës shëndetësore në qytetin e Patosit.
Manol Rapaj, me emrin e vertetë Sabri Rapaj 22 vjeç nga Kuqari i cili u vra me 7 plumba dhe Elis Kapaj nga Kashishti 26 vjeç të cilit ju gjetën në trup 5 plumba.
Mesditën e 19 nëntorit 22-vjeçari Martin Skëndaj vrau me armë Manol Rapajn dhe Elis Kapajn pas një konflikti të fortë që nisi brenda ambienteve të ambienteve të qendrës shëndetësore të qytetit më pas u përshkallëzua në shkallët e jashtmë të saj, ku mbetën të vrarë dy të rinjtë.
Rapaj ishte i dashuri i motrës së Skëndajt, por ky i fundit nuk e kishte pranuar një fakt të tillë, ndaj dhe e ka qëlluar me armë, duke i marrë jetën bashkë me Kapajn.
Policia mbërriti menjëherë në vendngjarje dhe shoqëroi të dyshuarin.
Në deklarimin e parë para policisë mësohet se Martin Skëndaj ka pranuar autorësinë e krimit të vrasjes së dy të rinjve.
Në pyetje për ngjarjen është marrë edhe babai i tij.
