Skandali me pullat e certifikimit dhe organizimi i vonuar i konkurseve
të teksteve të reja
Skandali
me pullat e certifikimit dhe organizimi i vonuar i konkurseve të teksteve të
reja shkollore ka sjellë anomali dy ditë para fillimit të vitit të ri shkollor
2016-2017. Mos kuptimi i rolit të
pullës së certifikimit nga MAS solli çrregullime në shpërndarjen e teksteve
shkollore. Si lindi pulla fiskale (pulla e certifikimit) për tekstet shkollore!
Lexojmë:
Shkresë,
dërguar nga MASH shtëpive botuese fituese në konkursin e teksteve të reja
shkollore për vitin shkollor 2009-2010, datë 08.06.2009.
ÇERTIFIKATË LEJE TEKSTI
Teksti i
paraqitur nga shtëpia botuese_______________fiton CERTIFIKATËN E LEJES, duke
miratuar të futet në tregun e shitjes së teksteve shkollore me këto
karakteristika:
= Numri
i faqeve:___________________
=
Formati i prerë: ___________________
= Numri i
ngjyrave të bllokut të librit:_______________
= Numri
i ngjyrave të kopertinës:__________________
= Letra
e bllokut të librit:___________________
=
Kartonçina e kopertinës____________________
= lloji
i lidhjes së bllokut me kapakun:_________________
= Çmimi
i shitjes:_____________________
Kjo
certifikatë është e vlefshme për aq kohë sa janë në fuqi të njëjtat programe lëndore….
Në çdo
kopje të tekstit të certifikuar duhet të vendoset pulla e certifikimit që jepet
nga Ministria e Arsimit dhe Shkencës. Kopjet e tekstit që futen në tregun e
shitjes duhet të kenë pullën e certifikimit.
Kryetari
i KMT, Sekretari i përgjithshëm i MASH
Shkresa
është shumë e qartë: Vendoset pulla pas certifikimit të tekstit nga MASH.
A e ka
lexuar këtë shkresë zonja Lindita Nikolla?
Vitin e
kaluar MAS ndryshoi miratimin e teksteve shkollore. Përpara certifikimit librat
duhet të kalonin një provë. Pse nuk u udhëzuan shtëpitë botuese që për tekstet
e reja të mos vendosej pulla e certifikimit para certifikimit të tekstit nga MAS?
A përbën
shkelje ligjore dhe hetim nga Kontrolli i Lartë i Shtetit. Përgjegjësia është
gjithmonë anonim në MAS. Penalizohen vetëm nxënësit dhe prindërit!
Organizimi i vonuar i konkurseve është problemi i
dytë për vonesën në shpërndarjen e teksteve shkollore.
Lexojmë:
URDHËR
NR. 115. DATË 16. 03. 2016 me nr. 2504 prot, për shpalljen e konkursit të
teksteve shkollore të reja për klasën e 10 dhe disa teksteve të klasës 11, viti
shkollor 2016-2017, urdhëroj:
1. Shpalljen
e Konkursit për tekste shkollore të reja, të klasës së dhjetë të arsimit të
mesëm të lartë, për vitin shkollor 2016-2017, si më poshtë:
1.1 Gjuha shqipe 10.
1.2 Letërsi 10
1.3 Gjuha angleze e parë 10
Etj.
2.
Tekstet shkollore, të cilat do të jenë përkthim i teksteve shkollore të shtëpive
botuese “Oxford University Press”, “Pearson” dhe “Cambridge”, të paraqiten të
integruara për të dy vitet e shkollimit, klasa e 10 dhe klasa 11, në një bllok,
lidhur brenda një kopertine, për titujt/lëndët si më poshtë:
2. 1 Matematika
10 @ 11
2. 2 Fizika
10@ 11
2. 3 Kimia
10@11
2. 4 Biologjia
10@11
3. Datat e aktiviteteve për konkursin e teksteve
shkollore të reja janë:
3.1 Shpallja e konkursit: 16 mars 2016.
3.2
Dorëzimi i teksteve shkollore për vlerësim: 27,28 qershor 2016.
3.3 Shpallja e fituesve 8 korrik 2016.
3.4 Përzgjedhja e teksteve dhe porosia 25
–31gusht 2016.
3.5 Shpërndarja dhe shitja e teksteve 12-17
shtator.
Datat e fillimit të shpërndarjes dhe shitjes së
teksteve fillon me ditën e parë të shkollës.
Ka dy
vjet që IZHA ka përgatitur programet e reja mësimore për klasën e 10.
Pse kjo
vonesë në shpalljen e datës së konkursit?
* Kush e
pengon këtë ministri që të shpallë konkurset për ciklin 9-vjeçar më shpejt se data 27 prill ? (datë e caktuar
për tekstet shkollore klasa 2,7 për vitin shkollor 2016-2017)
* Kush e
pengon këtë ministri që të shpallë konkurset për tekstet shkollore klasa 10 më
parë se data 16 mars e zhvilluar për vitin shkollor 2016-2017?
Me sa
duket pazaret me disa shtëpi botuese përcaktojnë datën kur ato kanë përgatitur
të gjitha tekstet që janë për konkurrim!
Çdo
urdhër i MAS bëhet i vonuar dhe pa kriter.
Përmendim
ecejaket e mësuesve në përzgjedhjen e teksteve shkollore.
Urdhri i parë:
Në
muaji prill mësuesit e çdo shkolle të bëjnë përzgjedhjen e teksteve shkollore
ekzistuese.
Urdhri i dytë:
Në
muaji qershor të bëhet përzgjedhja e teksteve për klasën e 2-7.
Urdhri i tretë:
do
të dërgojmë katalogun për përzgjedhjen e teksteve shkollore klasa 1- 6 mbas
licencimit nga MAS. Katalogu nuk u dërgua as në shtëpitë botuese, as në
shkolla. Pas një pritje të gjatë filluan me iniciativë kërkesat pranë shtëpive
botuese.
Urdhri i katërt: Më 25 gusht të bëhet përzgjedhja e teksteve për klasën e
10, dhe për disa lëndë edhe për klasën e 11. Mësuesit lanë pushimet dhe u
paraqitën në shkollë. Për mungesë të teksteve, u shty përzgjedhja më datë 31
gusht.
Kur do
të shtypen dhe shpërndahen tekstet e klasës së 10 dhe 11?
Vlerësimin
për këtë parregullsi jepe ti lexues.