Çfarë ndodh me motin në fundjavë? Temperatura deri në 40 gradë, por nuk do mungojnë as reshjet e shiut

46
Sigal

Edhe përgjatë fundjavës vendi ynë do të karakterizohet nga mot me temperatura të larta, të cilat do të arrijnë deri në 40 gradë celcius në zona si Fieri dhe Berati.

Ndërkohë që në zonat malore dhe në verilindje të vendit do të ketë vranësira gjatë mesditës të cilat do të shoqërohen nga reshje të dobëta shiu.

Çfarë ndodh me motin në fundjavë? Temperatura deri në

Në këtë mënyrë si për ditën e Shtunë (nesër) ashtu dhe për ditën e Diel moti parashikohet kryesisht i kthjellët por nuk do të mungojnë edhe alternimet e vranësirave kalimtare. Në orët e nxehta të ditës (nga orët e mesditës deri ato të pasdites) në relievet malore në lindje si dhe ato kodrinore – malore në jug vranësirat do të jenë hera-herës deri të dendura.

Për ditën e Diel vranësirat në relievet kodrinore – malore në jug dhe lindje do të shoqërohen me reshje shiu të dobta dhe lokale. Megjithatë nuk përjashtohet mundësia e shtrëngatave apo rrebesheve të izoluara dhe afatshkurtra.

Vlen për tu theksuar se: për shkak të lagështirës së lartë në ajër si dhe prezencës së vranësirave (zagushi) temperaturat e larta të mesditës, do të ndihen disa gradë më shumë për trupin e njeriut se sa ato të matura nën hije në kafazin meteorologjik.