Që prej mëngjesit të së dielës të gjithë hidrovorët janë furnizuar me energji elektrike dhe janë në punë, bëri të ditur administratori i OSHEE-së, Ardian Çela. Ai ndodhej në Frakull të Fierit ku ka vëzhguar nga afër situatën.
“Pranë drejtorive rajonale dhe atyre të tensionit të lartë, janë ngritur 10 shtabet rajonale të cilat ndjekin hap pas hapi sipas një skeme të caktuar, planin e masave të hartuara për përballimin e kësaj situate. E gjithë vëmendja jonë u fokusua tek furnizimi me energji elektrike i hidrovoreve, spitaleve duke mos lënë jashtë vëmendjes të gjithë abonentët, deri tek më i fundit. Në terren po punojnë intensivisht grupe pune për eliminimin e defekteve të cilët kanë qenë të shumta si në rrjetin e tensionit të mesëm dhe të ulët. Rreth 1500 punonjës janë në terren për të eliminuar sa më shpejt defektin e për të rikthyer energjinë elektrike tek të gjithë abonentët e kësaj zone”, tha Çela.
