Bilanci ditor i Covid/ 463 qytetarë aktivë, 65 të infektuar në 24 orët e fundit

71
Sigal

Dita e sotme ka shënuar një rritje të ndjeshme të të prekurve me COVID në vendin tonë.

Nga 4,471 testime të kryera kanë rezultuar pozitivë me Covid, 65 qytetarë, në këto bashki: 22 raste në Tiranë, 6 raste në Sarandë, 5 raste në Fier, Elbasan, 4 raste në Shkodër, Vlorë, Vau i Dejës, Peqin, 2 raste në Has, Kavajë, 1 rast në Krujë, Korçë, Lezhë, Lushnje, Pogradec, Himarë, Kuçovë.

Aktualisht janë 463 pacientë aktivë me COVID19 në të gjithë vendin.

Në Spitalin Infektiv po marrin trajtim spitalor të specializuar 20 pacientë, ndërsa në 24 orët e fundit nuk ka asnjë humbje jete me covid.

Janë shëruar 35 qytetarë gjatë 24 orëve të fundit, duke e çuar numrin e të shëruarve në 130,291 që nga fillimi i epidemisë.

Nga 911,147 testime totale të kryera deri më tani në vendin tonë që nga fillimi i pandmeisë janë prekur 133,211 qytetarë, ndërsa janë shëruar 130,291.

Numri i personave që kanë ndërruar jetë është 2,457 .

“Muaji Gusht do të jetë i hapur për vaksinimit antiCOVID për çdo qytetar +18 vjeç, ndaj Ministria e Shëndetësisë i bën apel qytetarëve të vaksinohen sa në parë, për të mbrojtur veten dhe njerëzit e afërt dhe për të frenuar përhapjen e virusit të rrezikshëm.

Vaksinat antiCovid reduktojnë mundësinë e infektimit dhe shmangin në shkallë të lartë hospitalizimet dhe fatalitetet.
Nëse dyshoni se jeni i prekur nga COVID19 apo keni shenja të sëmundjes, izolohuni menjëherë dhe kontaktoni me mjekun tuaj të familjes për t’u testuar ose telefononi Urgjencën Kombëtare në numrin unik 127”, këshillon ministria.

Statistika (03 Gusht 2021)

Raste të reja ditore 65
Të shëruar në 24 orë 35
Të shtruar në spitale 20
Humbje jete në 24 orë 0
Testime ditore 4,471

Testime totale 911,147
Raste pozitive 133,211
Raste të shëruara 130,291
Raste Aktive 463
Humbje jete 2,457

Shpërndarja gjeografike e rasteve aktive sipas qarqeve:

Tiranë 175
Elbasan 64
Vlorë 43
Shkodër 40
Lezhë 34
Kukës 29
Fier 27
Berat 23
Durrës 11
Korçë 11
Gjirokastër 6