Një 17-vjeçar është aksidentuar pasditen e sotme në rrugën “Don Bosco”, në Tiranë.
Policia bën me dije se ngjarja ndodhi kur adoleshenti që ecte me një biçikletë është goditur nga një automjet.
Deklarata:
Më datë 08.05.2020, rreth orës 17:20, në rrugën “Don Bosco”, një mjet me drejtues shtetasin H.M., ka aksidentuar biçiklistin A.M., 17 vjeç, i cili ndodhet në spital, nën kujdesin e mjekëve.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.