Një aksident ka ndodhur pak minuta më parë në superstradën Lezhë- Milot.
Në afërsi të kryqëzimit të Shënkollit janë përplasur dy automjete.
Për pasojë dy të rinj kanë mbetur të plagosur, konfirmoi policia.
Ata janë transportuar në spitalin e Lezhës e më pas drejt atij të Traumës në kryeqytet.
Policia ndodhet në vendngjarje po heton për shkaqet e aksidentit.
Lezhë/ Informacion paraprak
Në aksin rrugor Lezhë – Milot, në afërsi të urës së Matit, automjeti me drejtues shtetasin K.F. është përplasur me automjetin me drejtues shtetasin F.K.
Si pasojë e përplasjes kanë marrë dëmtime 2 shtetas që ndodheshin si pasagjerë në mjetin me drejtues F.K., të cilët janë transportuar në spitalin e Traumës Tiranë dhe ndodhen nën kujdesin mjekësor.
Grupi hetimor ndodhet në vendngjarje dhe po vijon punën për sqarimin e rrethanave te aksidentit.
